Home

Forum New

Read

Contest


Write

Write blog

Log In
CATEGORIES
લાગણીનો દુકાળ
 11 February 2019  

સુખ નો પણ એક ભાર હોય છે, દુઃખ પણ ક્યારેક એક આધાર હોય છે,લીલીછમ લાગણીઓ માત્ર પલવાર હોય છે, બાકી તો એનો દુકાળ હોય છે,કડકતી વીજળી નો ઉજાસ ક્ષણવાર જ હોય છે,અંધારી રાત માં એક એનો જ આધાર હોય છે,સંબંધ માં શબ્દો પર જ મદાર હોય છે... પણ ખામોશી ને પણ કાતિલ એક ધાર હોય છે,મન માં ભટકતા અનેક વિચાર હોય છે, ક્યારેક ભટકી જવામાં જ ગુનો બેસુમાર હોય છે.....તબીબો આમ તો ઘણાં બીમાર હોય છે, દિલ જીતનાર ના હાથ માં ક્યાં તલવાર હોય છે ??ગગન નો વરસાદ ક્યારેક ધીમો ક્યાંરેક ફાસ હોય છે પણ અશ્રુ ના શ્રાવણ-ભાદરવા તો બારેમાસ હોય છે,નાની મોટી અથડામણ ભલે રોજ થતી હોય... પણ વિચારો ના ટકરાવ ખૂબ જ ગમખ્વાર હોય છે .....-- પારૂલ ઠક્ક

શું આવું કરવાનું?
 6 February 2019  
Art

ગઇકાલે અમે એક નાની ઉડુપી માં નાસ્તો કરવા ગયા હતા. જગ્યા નાની પણ ભોજન ખુબજ સ્વાદિષ્ટ અને થોડી કોલાહલ વાળી. અમે બેઠાં અને થોડી વાર પછી એક મધ્યમ વર્ગીય પરિવાર બાજુના ટેબલ પર આવીને બેઠો.પાંત્રીસ ની આજુ બાજુ નો પતિ, એનાથી નાની પત્ની અને ચાર પાંચ  વર્ષ નો પુત્ર. કદાચ, રવિવાર ની એક સાંજ સાથે મળીને માણવા આવ્યા હશે. બેઠી દડીની પત્ની એ નવી સ્ટાઇલ નો પણ અણઘડ  ફીટીંગ વાળો ડ્રેસ પહેર્યો હતો. હોઠની બહાર નીકળી આવેલી લિપસ્ટિક કપડાં સાથે મેચિંગ નહોતી. પતિ નો પહેરવેશ પણ કંઈ એવો જ હતો.પાતળું અને મોઢા પર કરેલાં મેશના ટપકાં વાળું  બાળક ચંચળ હતું. બેઠા કે બાળકે ટેબલ પરની એક એક વસ્તુ હાથમાં લેવા માંડી. સોલ્ટ પેપર કંટેઇનર ને હાથમાં છાંટી જોયા,મેનુકાર્ડ ને ઉથલાવી જોયું...એક બાળસહજ કૂતુહલ અને કદી કદી જ મળતું હોટલનું જમવાનું ભાળી એ જરા વધારે ચંચળ થઈ ગયું. અમારા સૌના આશ્ચર્ય વચ્ચે મા એ સટાક સટાક બે તમાચા મેંશવાળા ગાલ પર મારી દીધા. પિતાએ પણ મા નો પક્ષ લઇ એની  ભાષા માં ખીજાઇ લીધું. અમે હતભ્રમ થઇ બાળક સામે જોતા રહી ગયા અને બાળક સાવ બિચારું બની અમારી સામે. માતાપિતા ને તો જાણે કંઈ બન્યું જ નથી એમ ઓર્ડર આપવામાં મશગૂલ થઈ ગયા. બાળક ની આંખમાં લટકી રહેલા બે અશ્રુ બિંદુ એ મારા ભોજનનો સ્વાદ હરી લીધો. આ કયા પ્રકારનું માતૃત્વ?માના વ્યાસ

સવારની ચા
 22 December 2018  
Art

મારા આખા દિવસ દરમિયાન મારે માટે સવારની પહેલી ચા નું ખાસ મહત્વ છે. જ્યારે ઘરનાં બીજા સદસ્ય હજી મીઠી નિંદ્રા માણતા હોય ત્યારે તમે તમારી મનગમતી એક પ્યાલી ચા ની મઝા માણી શકો.કારણકે પછી તમારે પરિવાર ની પસંદગી પ્રમાણે ચા બનાવવી પડે છે. સવારમાં પોણા છ વાગે જ્યાં હજી પ્હો ફાટવાને વાર હોય ત્યાં ચા ગેસ પર મુકાય જાય. ઉકળતા પાણીમાં ચા ની ભુકી સાથે આદુ, લીલી ચા ની પત્તી અને મસાલો નાંખતા જ સરસ સોડમ આવવા માંડે.સાવ મોળી અને ઓછું દૂધ નાંખી ઊભરો આવતા સુધીમાં દિવસ દરમિયાન કરવાના કાર્યો નું લીસ્ટ મનમાં રચાઇ જાય.પરોઢના શીતળ હવામાં તાજગી ભરી ચા ની ચુસ્કી લેતાં એક નવા દિવસ ની સુંદર શરુઆત માટે ઇશ્વરનો આભાર માનવાનું મન થાય. સૌની પસંદગી ને પ્રાધાન્ય આપવામાં આપણી અંગત ખુશી ને જીવંત રાખવા એક કપ સવારની ચા પુરતી છે.