Home
Quotes New

Audio

Forum

Read

Contest


Write

Write blog

Log In
Your search for ડોક્ટર
મને એક સવાલ થાય છે?
 Malti Patel  
 1 May 2018  
Art

[3:00 PM, 5/1/2018] +91 83204 18016: હમણાં બજાર ગઈ, ધણાં સમયથી એક અનુભવનું આલેખન કરવું હતું. તો આજે ખૂબ સુંદર રીતે રજૂ કરવાનો અવસર મળી ગયો.એક પર એક ફ્રી, સ્કીમ, ગિફ્ટ અને ફ્રી ગિફ્ટ વાઉચર, મેગા ડિસ્કાઉન્ટ, બોનસ વગેરે જેવા શબ્દો સાંભળીને કોઈનાય મોઢામાં મધલાળ ટપકે એ રીતે આપ સૌ નિહાળતા જ હશો. જાહેરાતનો જાદુ. અને જો આવી અફલાતૂન એડ જોઈને જો આપણને એ ચીજોની ખરીદીમાં એડ થવાની ધરાર ઈચ્છા ન થાય તો જરૂર એક સંયમિત સંતગુણ હશે એ વ્યક્તિમાં.. હા, જરૂરત હોવી અને ખરીદી કરવી અને ઓફરનો લાભ લેવો એ અલગ વાત છે. અને લોભામણી લાલચમાં આવીને બિનજરૂરી ચીજોને માત્ર ક્ષણિક આવેગવશ ખરીદી ખડકલો કરવો એમાં અંબર-અવનિનો ભેદ છે.મને એક સવાલ થાય છે? કારણ શિક્ષકનો આત્મા શિક્ષક-ધર્મ કાજે મૂંઝાય છે.ધંધો, વેપાર છે સૌની રોજીરોટી. એટલે એ વાત નથી જરાય ખોટી. પણ પળમાં પિમ્પલ મટાડી ડિમ્પલની રીત અનોખી.નાના મોટા નો ભેદ નથી. પણ બચપણથી આજ સુધી અહેસાસ અને અનુભવ જ એવાં થયા કે મોટાં માછલાં નાના માછલાંને ગળી જાય છે. આજે ઓનલાઈન શોપિંગ એક સુંદર સગવડ છે. ગ્રાહક અને માલિક માટે. સાથે સાથે ઘણાંયની રોજીરોટી પણ આ સુવિધાથી સચવાય છે. છતાંય ઓનલાઈન શોપિંગનાં કેટલાંક લાભાલાભ વિચારણીય જ છે.. કોઈને મારા વિચારો સાથે સંમત થવા આગ્રહ નથી જ પણ આપણે એક કદમ થોભી ચિંતન કરીએ તો ચાંદની રેલાવી આપણી ખુદની તો ખુશી બરકરાર રાખી શકાય.. કારણ (1)1999,1199,એવો અંક હોય વસ્તુની કિંમતનો. (2)ભાગ્યે જ કોઈ ગ્રાહક 1 રૂપિયો પરત માંગે. (3)કુરિયર મેનનાં પાર્સલબોક્ષ જોઈને ય ન મંગાય. (4)સવાલ એક રૂપિયાનો નથી. (5)પણ સવાલ એ છે કે આવી જ કિંમત કેમ? (6)એ એક રૂપિયાની કિંમતે જ મને પણ એક સુંદર મેસેજનાં વાંચનથી જ લેખન કરવાં પ્રેરિત કરી. કે તમે પણ કરોડપતિ બની શકો છો, જો તમારી પાસે 99,99,999( નવ્વાણુ લાખ, નવ્વાણુ હજાર, નવસો, નવ્વાણુ) રૂપિયા હોય તો. ત્યારે જ આ 99 કેમ? એ વિચાર આવ્યો? અને આ એક રૂપિયો જ ખાલી ક્યાં જાય છે? હવે મૂળ વાત આજની કે દૂધની થેલી અમૂલની 21 રૂપિયાની. એક રૂપિયો છુટો માંગે. આજે ન હતો. માટે મે ફરી કાલે આપવા કીધુ. લખી લો. પણ એમણે મને 9 રૂપિયા છુટા આપ્યા. પણ એકબીજા બેન આવ્યા. તેમણે કહ્યું મારો એક રૂપિયો જમાં છે ને. તો ઘડીભર વિચારીને દૂધ તો આપ્યું પણ મે અનુભવ્યું કે એક રૂપિયાની કિંમત કેટલી છે? હવે જ્યારે મોલ કે ઓનલાઈનની શોપિંગની વાત તો કરોડો પ્રોડ્ક્ટ્સ હોય અને દરેકની મોટાભાગની કિંમત 99 અંતિમ અંકવાળી જ હોય. તો દા. ત. એક કરોડ આઈટમસ વેચાય તો એક કરોડ રૂપિયા ક્યાં જાય? અહીં તર્ક નથી કરવો પણ અર્ક શોધવો છે. પેટના મુકીને શેઠનાં કોણ અને કેમ પોષે? ઓફર આપીને.  આજે દરેક વેપારી જી. એસ. ટી., મંદી, અને નોટબંધીથી મૂંઝાય છે.  ત્યારે સૌનું હિત જળવાવુ જરૂરી છે.ખાસ વાત દરેકની પોતાની દુકાન નથી હોતી, વળી દુકાનમાં ભાવતાલ કરાવનાર આપણે સૌ મોલમાં કંઈ ન કરી શકીએ. અને આ પણ એક કારણ મારી દ્રષ્ટિએ હોઈ શકે. ગરીબ ગરીબ જ થાય, મધ્યમ મુસીબતથી મૂંઝાય ને અમીરો અમીર જ થતાં જાય. ભલે અમીરોને એમની અમીરી મુબારક. કેમ કે મોટાં ને મોટી ને નાના ને નાની ચિંતા હોય છે. પણ વચલાંનું શું? ન હાથ ધરાય? ન સામાજીક બંધનોથી છૂટાય.  ને મોટી ને નાના ને નાની ચિંતા હોય છે. પણ વચલાંનું શું? ન હાથ ધરાય? ન સામાજીક બંધનોથી છૂટાય.[3:02 PM, 5/1/2018] +91 83204 18016: સફળતાસફળતાની પરિભાષા આજની તારીખે... 1.પાંચ આંકડાનો પગાર અને પાંચમાં પૂછાય.2.મોટર,મોલ યા દુકાન, જમીન, જાગીર હો પોતાની.3.શિક્ષણની પદવીથી લઈને પદ, પગાર, પ્રમોશન અને પારિતોષિક પણ સફળતાનો આધાર.4. પરિવારમાં ભલે હો અમે બે અમારાં એક યા બે..5.કમાણી હોય ભલે કોઈપણ નંબરની.6 દંપતી હોવ તો સંતાનમાં બેટો હોય તો  ડોક્ટર, વકીલ, ઈજનેર, યા મોટો બિઝનેસમેન હોય અને બેટી હોય તો શિક્ષિત અને   દિક્ષિત.7.બેટા-બેટી પરણીને બચરવાળ થઈ જાય તો  ગંગા સ્નાનની સફળતા..આમ તો આ યાદી વ્યક્તિ દીઠ લંબાવી કે ટૂંકાવી શકાય.પણ સફળતાની મારી સવારી.1.મહેનતનાં મોતી સમાન રોટી, તન ઢંકાઈ રહે એવો સુઘડ પોશાક, પાંચ ફુટિયા આ કાયા પોષવા માટે ચાર કે બાર દિવાલનું સુંદર ખોખુ. જે કહેવાય અપનાં ઘર હરિદ્વાર. અને પરસેવાની કમાણીમાંથી નજીવી પર-સેવાનો આનંદ મળે એવી એક નંબરની આવક. જેથી આલેખાય કે અપનાં હાથ જગન્નાથ.અંતમાં જમવા માટે ભૂખ અને ભોજન તથા સૂવા માટે ઊંઘ અને આસન(પથારી) હોય.ખાસવાત:-ખુદને જ એકમાત્ર ખબર હોય સૌ સાથેનાં ખુદારામે કરેલાં વ્યવહારની એનો નિજાનંદ અને હૈયામાં હરિની હાજરી એ છે મારી સફળતાની પરિભાષા. અને એ જ આધારે બેટા-બેટીઓનાં માલિક છે પ્રભુ સાચાં અમે તો માધ્યમ માવતર નામે  માત્ર મુનીમ કાચાં.. એમની રિધ્ધી-સિધ્ધી એ નરસિંહની જેમ તારે હાથ. તું જ્યારે જેમ ચાહીશ ત્યારે વાગશે શરણાઈ, સૂર ને વાજાં.

સ્ટોરી મિરર માટે- રેખા પટેલ (વિનોદિની), ડેલાવર (યુએસએ)
 neeta kotecha  
 20 July 2018  
Art

સ્ટોરી મિરર માટે- રેખા પટેલ (વિનોદિની), ડેલાવર (યુએસએ)હું રેખા વિનોદ પટેલ , 2૫ વર્ષથી અમેરિકાના ડેલાવર સ્ટેટમાં રહુ છુ. મુળ વતન ગુજરાતના ચરોતરનું વાલવોડ ગામ, પરંતુ બચપણ થી લઈને યુવાની ભાદરણમાં વીતી હતી. ત્યાંજ રહીને બીએસસી કેમેસ્ટ્રીનું ભણતર પૂરું કર્યું. લગ્ન બાદ અમેરિકા આવવાનું બન્યું.હું ગૃહીણી અને બે દીકરીઓની માતા છું. મારાલેખન કાર્યની શરૂઆત કવિતાઓથી કરી હતી, આજે ગઝલ, કવિતા, વાર્તા અને નવલકથા અને આર્ટીકલ્સ લખું છું. મારા પતિ વિનોદનાં સાથ અને પ્રોત્સાહનને કારણે ટુંકા સમય ગાળામાં હું અહી સુધી પહોચી શકી છું. આથી મેં મારું ઉપનામ " વિનોદિની " રાખેલછે.લેખનકાર્યની શરૂઆતમાં મારી ટુંકીવાર્તાઓને  ‘ચિત્રલેખા, માર્ગી, ફીલિંગ્સ, અને અભિયાન જેવા મેગેઝીનમાં સ્થાન મળ્યું. ત્યારબાદ કોલમિસ્ટ તરીકે પણ કારકીર્દીની શરૂઆત થઈ. સહુ પ્રથમ અમેરિકા વિશેની રસપ્રદ માહિતી આપતી  "અમેરિકા આજ કાલ”  નામની મારી કોલમ  “ફીલિંગ્સ" મેગેઝીનમાં બે વર્ષ ચાલી હતી.ત્યારબાદ ગુજરાતી મેગેઝીન "અભિયાનમાં"  વીકલી કોલમ  " અમેરિકાના ખત ખબર " બે વર્ષ પ્રસિદ્ધ થઈ રહી.હાલમાં હું ફીલિંગ્સ સાથે ફરી જોડાઈ મારા પ્રવાસ વર્ણન " દેશ વિદેશની વાતો" કોલમ લખી રહી છું. સાથે દિવ્યભાસ્કર ઓન લાઈન સાથે NRG ન્યુઝ રિપોર્ટર તરીકે જોડાઈ છું. અમેરિકામાં ન્યુ જર્સી સ્થિત "ગુજરાત દર્પણ" અને એટલાન્ટાના "રાષ્ટ્ર દર્પણ" માં મંથલી કોલમ આપું છું. આ વર્ષે ફેબ્રુઆરી ૨૦૧૮માં ત્રણ પુસ્તકો પૈકી  "તડકાનાં ફૂલ" - ટુંકી વાર્તાઓ, "એકાંતે ઝળક્યું મન " -  કવિતાઓનું પુસ્તક ,  " અમેરિકાની ક્ષિતિજે" - અમેરિકા વિશેના અવનવા આર્ટીકલ્સ - જે પાર્શ્વ પબ્લીકેશન અમદાવાદથી પબ્લીશ થયેલા છેઆ પહેલા ગુર્જર પ્રકાશન માંથી ટૂંકી વાર્તાઓનો સમૂહ " ટહુકાનો આકાર, સાથે બે પુસ્તકો લીટલ ડ્રીમ્સ, સાથે નવલકથા લાગણીઓનો ચક્રવાત, પાર્શ્વ પબ્લીકેશનમાં, એમ કુલ મળીને છ પુસ્તકો ચાર વર્ષમાં પબ્લીશ થયેલા છે.હ્યુસ્ટન સ્થિત સહિયારા સર્જન ગ્રુપ સાથે જોડાઈને બીજા ત્રણ પુસ્તકો ક્રિયેટ સ્પેસ ઉપર ઉપલબ્ધ છે. આજ ગ્રુપ સાથે જોડાઈને "સંવર્ધન માતૃભાષાનું" નામના મહા ગ્રંથનો ભાગ બનવાનું સૌભાગ્ય પ્રાપ્ત થયું છે. વરસોથી દેશથી દુર છું છતાય ભારતીયતા વાણી અને વર્તનમાં રાખવી મને પસંદ છે. તેથી મારી મોટાભાગની વાર્તા આપણી સંસ્કૃતિને આજુબાજુ વણાએલી હોય છે. એક સમય હતો કે અમેરિકા જેવા દેશોમાં ગુજરાતી વાંચનની ભારે અછત હતી. ત્યારે મારા જેવા હજારો પુસ્તક પ્રેમીઓને આની ભારે ખોટ લાગતી. વાંચ્યા વગર મને એકપણ દિવસ ચાલતું નહોતું. એવા સમયમાં હું દેશમાંથી ખાસ પુસ્તકો લઇ આવતી. છતાં પણ પુરતા પડતા નહોતા. છેવટે ઈન્ટરનેટની સુવિધાને કારણે વાંચન સાથે લેખન કાર્યની સુવિધા મળી. આજ કાર્યને આગળ વધારવા માટે મે ડેલાવરમાં ગુજરાતી હિન્દી સાહિત્ય માટે ફ્રી લાઈબ્રેરી શરુ કરી છે. સાથે વધુ વાંચન માટે મારો બ્લોગ પણ વિકસાવ્યો છે. જેમાં મારા પબ્લીશ થયેલા દરેક લખાણ સુવ્યવસ્થિત રીતે મળી આવે છે. http://vinodini13.wordpress.com/     આજકાલ ઇન્ટનેટ અને સોશ્યલ મિડીયાને કારણે અને ગુજરાતી બચાવો ના આંદોલનને કારણે ગુજરાતમાં પણ માતૄભાષાને નવુજીવન દાન મળ્યુ. જેના કારણે સરકારી કચેરીઓ, અને  શૈક્ષણિક સંસ્થાઓમાં હવે ગુજરાતી ભાષાનો ઉપયોગ વધી ગયો છે. ગુજરાતમાં પણ હવે અંગ્રેજી માધ્યમની શાળાઓની સંખ્યા વધી રહી છે. ત્યારે અમેરિકામાં ઘરમાં ગુજરાતી બોલવાનો બાળકોને પોતાની ભાષા શીખવવાનો પ્રયત્ન વધુ રહ્યો છે. વિદેશમાં સ્થાઈ થયેલા પરિવારો દેશથી દૂર રહેવાને કારણે અંતરમાં દેશની યાદ વધુ રહે છે. પરીણામે  તેઓ માતૃભાષાને વધારે મહત્વ આપતા હોય છે. ભાષાની ખોરવાઈ રહી છે, આ સમસ્યાને હલ કરવા ગુજરાત સરકાર પણ મદદે આવી છે. આ માટે શિક્ષકો, ન્યુઝ પેપર, ટીવી પ્રસારણ માધ્યમ, સમાજ, અને અન્ય સંસ્થાઓ પ્રયત્ન શીલ બન્યા છે. આવા સંજોગોમાં ગુજરાતી ભાષાને આધુનિક ટેકનોલોજીથી સમૃદ્ધ બનાવવાના તેમ જ તેને લોકો સુધી પહોંચાડવા માટે ઇન્ટરનેટના માધ્યમ દ્વારા જે પણ લોકો બ્લોગ કે ઓનલાઈન પ્રકાશિત થતી વેબસાઈટ દ્વારા વાંચનનો ફેલાવો કરી રહ્યા તેમના કાર્યને સરાહાવું જોઈએ. ભાષાને પ્રેમ કરતાં લોકો માટે અને સ્ટોરીમિરર જેવી વેબસાઈટની આવી ઓન લાઇન મદદ બહુ કામની બની રહે છે. આમા મદદ કરનાર દરેક્ને ધન્યવાદ આપવો ઘટે. "હાથમાં પુસ્તક હોય તેને વાંચવામાં ઘૂંટડે ઘૂંટડે પાણી પીતા હોઈએ એવો ભાવ આવે છે. જ્યારે ઈન્ટરનેટ ધ્વારા વંચાતું સાહિત્ય એક શ્વાસે ખાલી કરાએલા પાણીના ગ્લાસ જેવું લાગે છે. તરસ બંનેથી છીપાય છે. પરંતુ મઝા બેવમાં અલગ છે."" હું એકજ વાત હંમેશા કહેતી આવી છું કે સારું પુસ્તક જીવનમાં પ્રગતિ તરફ લઇ જશે. વિચારોને ઉચ્ચતા આપશે. જેમ ઉત્તમ મા સો શિક્ષકોની ગરજ સારે છે તેમ ઉત્તમ પુસ્તક સો સાઇકોલોજીસ્ટ ડોક્ટરોની ગરજ સારે છે. મનથી નીરોગી રહેવા ઉત્તમ વાંચનને જીવનનો ભાગ બનાવવો આવશ્યક છે."