Image

"આજે હોમ મેઇડ ચોકલેટસ બનાવી રહી હતી,

થોડો કોકોપાવડર વધુ પડ્યો ને બધું કડવું થઈ ગયું. 


ત્યાર થી વિચારી રહી છું સંબંધોમાં શું વધું થયું?

કે અચાનક કડવાહટ પ્રસરી ગઈ. "



અતિશયોક્તિ, અતિરેક, અતિશય, વધું હોવું, અનહદ, આ બધાં એક જ શબ્દના સમાનાર્થી છે. દરેક વસ્તુનું એક પ્રમાણ હોય છે જો એનાથી વધું થાય તો એની વિપરીત અસર થવાની જ. 

*પ્રેમિકા ના પ્રેમ નો અતિરેક એના પ્રેમી ને એના તરફ નિષ્ફીકર બેધ્યાન બનાવી દે છે.


*અતિશય લાડ માં ઉછરેલુ બાળક સ્વચ્છંદી ને જિદ્દી થઈ જાય છે. 


*વારંવાર આવતાં દુઃખ ને તકલીફો મજબુત માં મજબુત મનુષ્યને કમજોર બનાવી દે છે. 

*અતિ ગુણવાન વ્યક્તિમાં પણ દોષ તો છુપાયેલા હોય શકે.

*ભરેલા પાત્ર માં વધારાનું પ્રવાહી ઉમેરતા જાઓ તો એ છલકાઈને બહાર જ પડવાનું. 

"અતિ ને ના મળે કદી ગતિ" જો આ વાત દરેક ની સમજ માં આવી જાય ને તો ઘણાં ખરા અંશે પરિવર્તન શક્ય બને છે. દરેક સંજોગો દરેક વસ્તુ એના નિયત માપ અનુસાર થતી રહે તો દુઃખ તકલીફો ઉભાં જ ના થાય. પણ આ માનવ મન છે ને બહું ચંચળ છે જે મળે તે ઓછું જે લાગે હજી થોડું વધું મળી જાય તો કેવું સારું. બસ આમાં જ અટવાયા કરે છે ને ચાર દિવસ ની જિંદગી પૂરી થઈ જાય છે.